Pulsusalarnir og Vélmennin

Afmæli

2007-01-03T14:34:00.000Z

Hæ og gleðilegt nýtt ár allir!
Ætla að halda afmælisparty á föstudaginn 5. jan þar sem ég er að verða ofboðslega gömul;)
Mæting upp úr 9 á Neshaga 10, 3. hæð. Endilega látið sjá ykkur ef þið hafið tíma, veit að það eru margir farnir út en það er langt síðan við höfum öll hist.
Kv. Ásdís

Hittingur

2006-12-29T12:50:00.000Z

Það verður ekki hittingur í Þingásnum þetta árið.
kv ÞS

Við gætum...

2006-12-26T20:58:00.000Z

verið heima hjá mér 29.des, þeir sem hafa áhuga tilkynni það. Ég hef ekki boðið neinum til mín nema þeim sem skoða þessa síðu og því mikilvægt að menn boði komu sína ef þeir hafa áhuga, því ég nenni ekki að hafa hitting fyrir mjög fáa. Ég ákveð á morgun hvort það verður af þessu út frá tilkynningum á síðunni.
Kv Þorsteinn

Jólafrí?

2006-12-16T13:22:00.000Z

Er opinber hittingur um jólin?
Ef svo er, hvar og hvenær þá?

Fótboltaáhugamenn sameinist

2006-08-16T13:47:00.000Z

Ég stofnaði deild í fantasy.premierleague.com og ef fólk (verkfræðifólk) vill taka þátt þá þarf það bara að búa til lið fyrir 19. ágúst og join-a deildina. Kóðinn sem slá þarf inn er 613135-93520.

Partý

2006-08-13T17:02:00.000Z

Sæl

Í tilefni þess að ég er að fara út í nám hef ég ákveðið að halda kveðjupartý næsta laugardagskvöld 19.08.06. Býst við að sjá ykkur blindfull og kolrugluð. Mæting uppúr 2100, Þingás 41.

Kveðja Þorsteinn S

Hver verður hvar að gera hvað...

2006-07-24T15:14:00.000Z

Sæl öllsömul,

Mér datt í hug að það gæti verið sniðugt að setja færslu þar sem allir gætu kommentað um hvar þeir verða næsta vetur og hvað þeir ætla að vera gera. Það er alltaf svo gaman að frétta af bekkjarfélögum sínum :)

Ég skal byrja,
Kær kveðja,
Hidda

Þessi kann þetta

2006-07-17T13:18:00.000Z

http://www.pinkbullets.nl/2006/06/filmpjes/indiase_tophit

grill, fótbolti, party

2006-07-06T08:40:00.000Z

Jæja þar sem það er ekkert að gerast í partýmálum hér á meðan ég er á landinu, tek ég bara að mér þau mál!!!!
Á laugadaginn, 8 júlí, er ykkur boðið heim til foreldra minna, þar verður kveikt á sjónvarpinu og hægt verður að horfa á leikinn um 3 sætið á HM, einnig verður kveikt á grillinu og svo bara partý partý.
Foreldrar mínir eiga ennþá heima þar sem seinasta grill partý sem ég var með var haldið og ef þið viljið nákvæmari upplýsingar um staðsetningu þá er það bara að hafa samband í sima 6963768.

Vona að ég sjái ykkur sem flest
Þórhildur

Á að æfa Bandý í sumar?

2006-06-21T15:55:00.000Z

Daginn
Eins og Beggi póstaði hérna um daginn býðst okkur að mæta á bandýæfingar með Barbý í sumar. ( eða bandífélagi Kópavogs, eins og það heitir í dag) Ég er búinn að mæta á tvær stórfínar æfingar en ekki séð sálu sem ég kannaðist við. Því kemur spurning dagsins...

Ætla menn að mæta á æfingar hjá BK í sumar, og ef svo er, hvaða dag vikunnar á að mæta?

Kveðja
Davíð Örn

Dabbi i frettunum?

2006-06-09T21:20:00.000Z

Er thetta okkar madur i munchen, tharna fyrir midju?

Tekid af: http://www.mbl.is/mm/sport/frett.html?nid=1206540.

Kvedja

Addi H

Halló öllsömul

2006-06-01T15:43:00.000Z

Jæja... nú er kominn júní og flestir "útlendingar" á leiðinni ef ekki komnir til landsins. Mig langar því að stinga upp á því að einhver af fullorðna fólkinu í hópnum sem býr ekki heima hjá pabba sínum og mömmu lengur haldi smá get-together. Þar sem ég verð því miður að flokkast undir ungabörnin í hópnum get ég ekki boðið mig fram.
En ég verð að segja það að það er allt of langt síðan við hittumst öll síðast... það er amk mín skoðun.

Nú er bara að sjá hver er fyrstur til að bjóða sig fram ;)

Kveðja,
Arna

Bandý

2006-05-30T14:45:00.000Z

Sælar!

Þá er komið að síðasta en vonandi ekki sísta Bandýtíma vetrarins. Eins og áður verður tíminn í Fífunni í kvöld kl. 22. Þeir allra hörðustu geta svo spilað Bandý í sumar með Bandýfélagi Kópavogs, aka Barbie. Upplýsingar um það má finna á www.bandybarbie.blogspot.com.

Takk fyrir veturinn og gleðilegt Bandý-sumar,

BB

Bandý

2006-05-23T11:45:00.000Z

Sælar!

Næst síðasti Bandýtíminn í bili er í Fífunni í kvöld kl. 22.

BB

Bandý

2006-05-16T11:22:00.000Z

Jæja, þá er komið að stundinni sem við höfum öll beðið eftir. Bandý í Fífunni kl. 22. Við þurfum síðan að fara að ræða framtíð Bandýsins, þ.e.a.s. hvernig við ætlum að hafa þetta í sumar. Spurningin er hvort það sé grundvöllur fyrir því að halda áfram með þessa tíma eða hvort við eigum að færa okkur yfir í tímana með Barby (liðið hans Oddgeirs, formanns Bandýsambands ÍSÍ). Það er búið að bjóða okkur velkomin þangað.

Hugleiðið þetta,
BB

Skemmtun í miðri viku...

2006-05-10T09:26:00.000Z

Sæl öll sömul,

Endilega prófið þennan leik hér fyrir neðan. Hann er afar skemmtilegur og léttir lund.

How Smart Is Your Right Foot?

This is so funny that it will boggle your mind. And, you will keep
trying it at least 50 more times to see if you can outsmart your foot.
But you can't!!!

1. While sitting at your desk, lift your right foot off the floor and
make clockwise circles with it.

2. Now, while doing this, draw the number "6" in the air with your
right hand.. Your foot will change direction!!!

I told you so... And there is nothing you can do about it.

Kær kveðja,
Hidda

Bandý

2006-05-09T16:37:00.000Z

Sælar!

Nokkuð hefur borið á skilningsleysi nokkurra aðila sem búsettir eru erlendis að undanförnu gangnvart Bandýinu. Þeir virðast ekki átta sig á mikilvægi Bandýsins til að þjappa saman okkar annars sundurleita bekk. Ég lít á það sem hlutverk mitt sem formaður FÍBL í fjarveru Bandý-Bjössa að halda uppi heiðri þessarar göfugu íþróttar. Einn þáttur þessa annars vanmetna og vanþakkláta starfs er að auglýsa Bandýtímana hér á síðunni hvort heldur sem menn skrá sig í þá eða ekki. Mætingin er reyndar oftast mun betri en skráningin gefur til kynna.

Einnig hefur verið beðið um slúður af skerinu en ekki ætla ég að skipta mér af því, til þess eru ýmsir aðilar betur fallnir en ég.

Annars er það bara Fífan kl. 22.

BB

Bandý

2006-05-02T14:33:00.000Z

Fífan kl.22.

BB

Bandý

2006-04-25T11:47:00.000Z

Sælar!

Fífan kl. 22.

BB

Bandý

2006-04-18T11:22:00.000Z

Sælar!

Bandý í Fífunni kl. 22. Allir að mæta og hlaupa af sér páskaeggin.

BB

Bandý

2006-04-11T13:35:00.000Z

Fífan kl. 22.

BB

Coolio slasast!

2006-04-05T12:40:00.000Z

Það var hart tekið á því í Bandýinu í gærkveldi. Svo hart var barist að hr Svalur slasaðist á auga með þeim afleiðingum að glóðurauga myndaðist. Kappinn fékk kælingu og var mættur galvaskur inn á völlinn eftir stutt stopp utan vallar.

Það hefur hins vegar ekkert spurst til hans í dag og menn farnir að óttast að glóðuraugað hafi haft meiri áhrif en í fyrstu var talið.

Bandý-áríðandi tilkynning

2006-04-03T13:35:00.000Z

Bandý annað kvöld kl. 21 EKKI 22, ég endurtek kl. 21 EKKI 22.

BB

Partý?

2006-04-03T11:29:00.000Z

Orðið á götunni er að næstu helgi verði haldið vélapartý, hvar? Líklega hjá þeim sem á íbúð, kannski Árna Má...
Er ekki ágætisstemmari fyrir því??

-DÞT

Return of the King

2006-03-21T09:47:00.000Z

Óttist eigi því kóngurinn er kominn á kreik. Fífan kl. 22.

BB King

Týndur?

2006-03-15T11:15:00.000Z

Það var frekar tómlegt um að litast í Fífunni í gær, þegar hin vikulega Bandýæfing Vélarinnar fór fram. Það kom mönnum einnig í opna skjöldu að sjálfur BB King, hornsteinn Bandýhreyfingarinnar, lét sig vanta. Leitarflokkur var að sjálfsögðu sendur samstundis út, og stendur leitin að Kóngnum enn yfir.

Hr. Svalur biður um boltann.

Bandý

2006-02-28T10:57:00.000Z

Bandý kl. 22

BB

Þeir eru hressir í Súdan!!

2006-02-27T12:04:00.000Z

http://www.mbl.is/mm/folk/frett.html?nid=1187515
kv ÞS

German Engineering in da House!

2006-02-26T20:06:00.000Z

Ég veit ekki hvort fólk hefur séð þessar auglýsingar en þær eru alveg magnaðar. Verður Dabbi tryggva svona eftir nokkur ár í þýskalandi?

video 1

video 2

video 3, German Engineering in da house

Kveðja
Addi Hjartar

Ólympíuleikarnir

2006-02-24T20:48:00.000Z

Langt síðan einhver hefur sagt eitthvað hérna svo ég ætla að benda fólki á að missa ekki af lokaleiknum í hokkí á óympíuleikunum. Svíarnir jörðuðu tékkana í mjög skemmtilegum leik fyrr í dag og nákvæmlega núna eru finnarnir 1-0 yfir rússunum. Ég spái því að finnarnir hafi þetta og næsta sunnudag verði hokkíleikur ársins milli svía og finlands!

p.s. Ég held með finlandi.

Bandý

2006-02-21T13:53:00.000Z

Sælar!

Bara að minna á Bandýið í kvöld kl. 22.

BB

Bandý

2006-02-14T09:28:00.000Z

Fífan kl. 22

BB

Pedro

2006-02-11T16:10:00.000Z

Tók eftir þessu á bygginarsíðunni ákvað að skella þessu inn hér líka, þar sem ég veit að Siggi er svo hrifinn af svona tjö******um:

Krakkar, hann Pedro (sjá mynd) er að leita að pennavinum. Helst vill hann komast í samband við ungar konur eða hrausta unga karlmenn. Áhugasamir sendi honum meil á pedro-loveboy@pedro.br

Nú er bara að drífa sig að skrifa póst.

kv ÞS

Full langt gengið

2006-02-08T13:31:00.000Z

Gunnar er þetta ekki full langt gengið þó að það sé nú gaman á fylleríum þá er þetta nú einum of. Hér eftir er sett bann við því að þú rúnkir þér á fylleríum.

http://www.mbl.is/mm/frettir/erlent/frett.html?nid=1183986

kv eftirlitið

Bandý

2006-02-07T09:00:00.000Z

Kl. 22. Þeir sem eiga eftir að skrá sig í Bandýsambandið geta gert það í kvöld eða sent mér eftirfarandi upplýsingar á bergur@almenna.is: nafn, aldur, símanúmer, heimilisfang, e-mail og hve lengi þú hefur stundað Bandý. Skráningin kostar ekkert og einungis skráðir leikmenn geta tekið þátt í mótum og átt möguleika á að komast í landsliðið. Að auki fá skráðir leikmenn 10% afslátt af vörum hjá Bandýsport ehf.

BB

Bandý

2006-01-31T09:32:00.000Z

Fífan kl. 22.

BB

Minningar frá útskriftarferð

2006-01-31T00:40:00.000Z

Það þarf ekkert að lýsa þessu.

He.. he.. hermun

2006-01-27T10:06:00.000Z

Sælar...

Já, ég held að ég sé að koma sterkur inn. En á einhver hermunarbók, sem sá hinn sami vill losna við. Hún er nefnilega uppseld í bóksölupizzunni. Annars er ég bara feskur á kantinum.

Bandý

2006-01-24T08:22:00.000Z

í kvöld.

BB

Bandý

2006-01-17T08:56:00.000Z

Bandý í kvöld kl. 22. Ég vil minna þá sem eiga eftir að staðfesta þátttöku að drífa í því. Eftir tímann í kvöld verður ekki tekið við fleiri skráningum. Þeir sem mæta óskráðir þurfa að staðgreiða upphæð sem verður ákveðin í kvöld fyrir hvern tíma sem þeir mæta í.

BB

Sæl og blessuð og Gleðilegt ár!!!!

2006-01-11T17:32:00.000Z

2006 hver hefði trúað þessu.... En ég ætlaði nú ekki að fara að blaðra neitt hérna því það er ekki neitt merkilegt að frétta.
Mig langaði að vita hvort einhver ætti Visio eða gæti reddað mér því. Ég á því eina mjög leiðinlega synd eftir í verkfræðinni en það er Þróun hugbúnaðar. Þar þarf maður víst að nota visio svo mig vantar það alveg sárlega. Ef einhver ykkar getur hjálpað mér endilega kommentið, sendið mér póst á arnasi@hi.is eða hringið í mig í síma: 694-2262

Vona annars að þið hafið haft það gott um áramótin og jólin... já og takk fyrir síðast :)

kveðja,
Arna

Bandý

2006-01-09T12:10:00.000Z

Sælar!

Bandý annað kvöld (10. janúar) kl. 22. Mætingin undanfarið hefur verið frekar dræm. Þeir sem ætla að vera með núna á vortímabilinu eru vinsamlegast beðnir um að láta undirritaðan vita annaðhvort í kommentakerfinu eða á bergur@almenna.is. Takiði endilega áhugasama félaga ykkar með annað kvöld. Ef það verða ekki a.m.k. 12 búnir að skrá sig fyrir þriðudaginn í næstu viku (17. janúar) þurfum við eitthvað að endurskoða tilvist þessara Bandý tíma.

BB

Brandari

2006-01-08T02:51:00.000Z

Svona svo síðan drabbist ekki alveg niður ætla ég að koma með brandara sem varð til í kommentakerfinu á þessari síðu. Ég skellihló í það minnsta þegar ég las þetta.

Eitt sem ég ætlaði líka að koma á framfæri fyrst ég er nú að þessu á annað borð að þá hef ég ekkert heyrt frá elsku kokkinum okkar. Ég efast stórlega um að ég eigi eftir að gera það þrátt fyrir nokkrar ítrekanir í tölvupósti. Þannig að spurningin er bara hvort við eigum ekki bara að senda honum póst svona í lok sumars og lýsa yfir óánægju okkar gagnvart honum. Láta hann heyra það að orð hans hafi verið innantóm og framkoma óásættanleg.

Arna

Já, það er spurning hvort við þurfum ekki að fara að tala við þennan kokk, kíla hann í bumbuna og segja: "Ef þú borgar ekki þá rassskelli ég þig". Eins og þið vitið, þá leysir ofbeldi öll vandamál. Spurning hvort þú takir ekki kalkúnin með þér, svo hann viti að þú sért að tala um viðskipti.
Arnar Ingi | 07.18.05 - 5:28 pm

Siggi ætti að fara létt með það, enda vinnur hann hjá KB banka og þeir eru vanir að rassskella mig um hver mánaðamót... Damn you kaffibarinn!
Addi | 07.18.05 - 6:37 pm

Bandý

2006-01-03T12:07:00.000Z

Komiði sæl og gleðilegt árið. Nú er að hefjast nýtt Bandý tímabil og því kjörið tækifæri fyrir nýliða að byrja að æfa núna, því fleiri því betra. Fífan í kvöld kl. 22.

BB

Gleðileg jól !

2005-12-24T08:22:00.000Z

Þar sem ég er nú klukkutíma á undan þá vaknaði ég sko snemma í morgun til þess að senda þessa jólakveðju. Gleðileg jól og farsælt komandi ár.Jólakortin ykkar eru í pósti á leiðinni frá Svíþjóð ( en þau gætu týnst, hreindýrin hafa verið óáreiðanleg nú nýverið )

Jólakveðja
Einar Eiðs.

Kaffibarinn 30. des. kl 21

2005-12-22T10:50:00.000Z

Heil og Sæl nær og fjær,

Þá er það ákveðið. Við ætlum að fjölmenna á Kaffibarinn 30. desember kl 21. Tilgangurinn er að hittast, rifja upp gömul kynni og halda uppi góðum drykkjuhæfileikum bekkjarins.

Hlakka til að sjá ykkur sem flest
Þið eruð svo skemmtileg

Jólakveðja,
Hidda

Jólagjöfin í ár er komin í hús.

2005-12-16T12:26:00.000Z

Jæja krakkar þá er ég búin að leggja inn á alla sem voru á listanum hans Einars. Njótið vel...

Kveðja,
Jólasveinka

Verkfræðileg matargerð

2005-12-15T23:04:00.000Z

Rakst á skemmtlega síðu í einni af mörgum vefpásum dagsins, merkilegt hvað þeim [netpásunum] fjölgar þegar maður er í prófum. En allavega, síðan heitir http://www.cookingforengineers.com/ og kemur með skemmtilegan vinkil á matargerð. Sér í lagi "Uppskiftarfylkið" (e. Recipe Card) sem segir til um í hvaða röð og hvernig á að framkvæma hlutina, dr. Helgi Þór Ingason yrði örugglega stolltur af þessari uppsetningu.

Læt fylgja með uppskriftarfylki fyrir matreiðslu kalkúns...
http://www.cookingforengineers.com/article.php?id=74&TRN

Góðar stundir ISÞ

Bandý

2005-12-13T09:02:00.000Z

Nú er komið að síðustu Bandýæfingunni fyrir jól. Fífan kl. 22.

BB

Jólagjöfin í ár...

2005-12-10T17:16:00.000Z

...er á leiðinni. Krónur 4.083 á haus fyrir hvern þann sem var með fullan hlut í sjoppunni. Peningurinn er kominn til Hiddu sem er (vonandi enn) með öll reikningsnúmerin ykkar. Annars bara gleðileg jól frá..., já bara ykkur sjálfum því þið unnuð fyrir þessu.

Með bestu kveðju
Einar

Bandý

2005-12-06T10:36:00.000Z

Þá er komið að næstsíðustu Bandýæfingunni fyrir jól. Ég hvet alla til að mæta og hrista af sér spikið fyrir jólaátið. Sjáumst kl. 22.

BB

Hittingur um jólin

2005-12-04T02:01:00.000Z

Bara allt að gerast hérna, þrjú ný blogg. Allaveganna þá var ég að pæla, ef við ætlum að hafa hitting um jólin þá þarf að fara að negla niður dagsetningu og hvað eigi að gera. Ég var eitthvað að ræða um þetta við Hiddu og ein hugmynd sem okkur datt í hug er að við myndum fara á skemmtistað, svosem hressó eða hverfis eða eitthvað, bara þannig að allir komist og geti verið saman og kanski reyna að fá eitthvað tilboð á barnum. Þannig að hugmyndin er basically að gera pínu djamm úr hittingnum. Ég tel að það gæti verið gaman.
Þannig að það sem þarf að gera er að koma með hugmyndir að dagsetningum sem gætu gengið og eins og ég sé það þá er það líklega milli jóla og nýárs því mikið af DTU krökkunum fara út 2. janúar.
Hvernig líst fólki almennt á þessa hugmynd og hvaða dagsetning gæti komið til greina, mengið er (26-30 des)? Go wild í kommentakerfinu.

Og eitt að lokum, hver getur tekið það að sér að tala við stað ef við gerum þetta, segir sig eiginlega sjálft að það þarf að vera einhver sem er heima?

Lifið heil og gangi ykkur vel í prófum, ef þið eruð í slíku.

kv.,
Óttar

Money money money...

2005-12-03T15:56:00.000Z

Hey usa-farar. Það er búið að gera upp sjoppuna og koma um 94.000 krónur í okkar hlut sem gera eitthvað um 4000 kall á haus. Finnst fólki að við eigum að borga þetta út eða eigum við að setja þetta í að búa til eitthvað reunion party, sem er ein hugmynd ??

Hönnunarkeppnin 2006

2005-12-03T00:58:00.000Z

Langar bara að minna á áhugasama á hönnunarkeppnina 2006 http://velnem.hi.is/honnunarkeppni. Spennandi keppni í vændum.
En hvernig leggst annars 25 punkta hækkun stýrivaxta í ykkur:) bara að brydda upp á umræðuefni. //Góðar stundir

Einar Eiðs

2005-11-29T18:36:00.000Z

Mig langaði bara að segja þér hvað þú ert hrikalegur töffari.....En geturðu annars haft samband eða gefið upp email þar sem hægt er að ná í þig.
Kv Þorsteinn S

Bandý

2005-11-29T08:57:00.000Z

Bandý kl. 22

BB

Jólagjöf verkfræðistráksins

2005-11-26T17:00:00.000Z

Ég leit inn í Magasin hérna í Lyngby áðan og fann þar hina fullkomnu jólagjöf verkfræðistráksins. Þessi gjöf er bæði í senn nördaleg og vel lyktandi. Gjöfin er ilmvatnið Pi(táknið er á glasinu) frá Givenchy.

Bandý

2005-11-21T18:15:00.000Z

Bandý annað kvöld kl. 22. Óvænt uppákoma, allir að mæta.

BB

Bandý

2005-11-15T10:05:00.000Z

Gaman að sjá að menn er farnir að tjá sig hér á síðunni. Minni á Bandý í kvöld kl. 22.

Kveðja,
BB

Hittingur um jólin

2005-11-14T14:31:00.000Z

Jæja, til að koma í gang plani um hitting um jólin þá þarf að fá allar dagsetningar á hreint. Því langar mig að biðja alla þá sem búa í útlöndum að setja sem komment á þessa færslu hvænær þeir munu vera á landinu yfir jólin. Svo væri kannski gott að fá upplýsingar um fólk sem verður úti á landi yfir jólin, þ.e.a.s. hvenær það mun verða í bænum.

Kveðja,
Hidda jólabarn

ps. Ég er byrjuð á jólakrosssaumnum sem mig langaði alltaf að gera meðan ég var í verkfræði en hafði aldrei tíma f. jólin :)

Hvad segidi!

2005-11-14T09:09:00.000Z

Sælt veri folkid.
Já thad er greinilega ekki mikid ad frétta. Mér finnst eg vita fullt af thvi folk sem er i utlöndum thar sem flestir eru med blogg. Thad væri nu gaman ad fa einhverjar frettir af ykkur sem erud heima. Til dæmis var um daginn party hja Begga, thad hefdi nu verid gaman af fa sma pistil um hvernig thad var.
Svo er lika spurning ad fara ad skipuleggja einhvern hitting um jolin. Thá koma flestir sem eru i utlöndum heim og svona. Ég veit allavegana fyrir mina parta ad thad verdur nog ad gera i hja mér thessa fau daga sem eg verd heima. Svo thvi fyrr sem vid akvedum hvada dag vid ætlum ad hittast tha er liklegra ad eg komi.
Annars er allt gott ad fretta, farid ad vera adeins meira ad gera i skolanum. Enda nálgast skilafresturinn i proflausu aföngunum sem ég er i. Ég á ad skila seinasta verkefninu 2 des og svo fer eg bara i eitt prof en thad er ekki fyrr en 21 des. Ætti allavegana ad hafa nogan tima til ad læra fyrir thad. Svo hef eg nu lika tima til ad undirbúa jolin i fyrsta skipti i mörg ár.

Jæja segjum thad i bili
Hilsen Thorhildur

Dautt?

2005-11-09T19:36:00.000Z

Hvað segiru, er síðan að deyja? Kannski maður hendi þá nokkrum molum fram.
Hér er snilld. Gaman að vera, nóg að gerast og veturinn að detta inn, sem þýðir að það styttist í fyrstu skíðaferð vetrarins, enda Alparnir í augsýn héðan frá München, og ekki nema klukkutíma rúntur í brekkurnar.

Námið er snilld, flugvélaverkfræði við TU-München, MS nám upp á 2.5 ár, kannski meira í framhaldinu. Ég er að læra allt um flugvélar, það helsta er:
Hönnun og útreikningar vængja, virkni flugvéla, flugvélahreyflar, hönnun flugvéla, navigation flugvéla, bestun, stjórnun, herflugvélar, þyrlur, stýrikerfi flugvéla, flugkerfi o.s.frv.
Ofan á þetta bætast svo verklegir kúrsar eins og: Notkun og virkni Flight Simulators, flugvélamódel í loftgöngum, flugumferðarstjórnun, hönnun flugvéla með tölvum o.fl.
Í lokin koma svo tvö verkefni sem þarf að verja, annars vegar misserisverkefni sem uþb hálft MS verkefni og svo MS verkefnið sjálft.

Annars er gaman að minnast á það, að innan skólans er matvælafræðideild með rannsóknarstofu og þar fer fram bruggun í stórum stíl, og er afurðin seld á almennum markaði (bjórinn heitir Weihenstephan) og get ég ekki annað en mælt með bjórnum... ;)

Kv.
Davíð Þór Tryggvason

Ýmislegt

2005-11-08T15:25:00.000Z

Jæja það er greinilegt að klukkið er dautt, it was fun while it lasted og margt skemmtilegt kom fram að mínu mati.
Annars væri gaman að heyra í fólki t.d. sem er erlendis og hefur ekki skrifað hvernig er í skólanum, kannski Sigurjón ;) hmmm? Eða Dabbi jafnvel eða bara einhver sem langar til að tjá okkur aðeins frá náminu sínu.
Annars hef ég voða lítið að segja fyrir utan það að ég skellti inn myndasíðunni hans Begga í linkadæmið hérna til hliðar, tjekkið á því.

Kveðja,
Óttar

Bandý

2005-11-07T16:09:00.000Z

Bandý annað kvöld kl. 22!

BB

Bandý

2005-11-01T18:15:00.000Z

Bandý!

Bandý, Bandý, Bandý, Bandý, Bandý, Bandý, Bandý, Bandý, Bandý, Bandý, Bandý, Bandý, Bandý, Bandý, Bandý, Bandý, Bandý, Bandý, Bandý, Bandý, Bandý, Bandý, Bandý, Bandý!

Bandý,
BB

Partý

2005-10-26T20:23:00.000Z

Er ekki kominn tími á partý? Þar sem Bs-inn er nú í höfn hef ég ákveðið að vera með smá teiti næstkomandi laugardagskvöld. Ég vonast eftir betri mætingu en á Halló Beggi í sumar, það þarf bara einn til. Nú þýðir ekkert að kvarta undan því að það sé svo langt, bý í 101 og stutt í bæinn. Blóm og kransar vel þegnir.

Kveðja,
Bergur

Bandý

2005-10-25T12:48:00.000Z

Bandý kl. 22:00 í Fífunni!

BB

Pínu plögg

2005-10-23T22:13:00.000Z

Eftirlit

2005-10-19T12:28:00.000Z

Það eru margir sem eiga eftir að deila með okkur fimm tilgangslausum hlutum um sjálfa sig. T.d. eiga:
Jón Atli,
Hulda,
Hrafn,
Einar Eiðs,
Kúlíó,
Sven,
Davíð Örn
öll eftir að skrifa.

Eftirlitið.

Bunni G

2005-10-12T14:37:00.000Z

Hér koma fimm súkkulaðimolar um mig

Ég og frændi minn vorum skírðir saman, Gunnar Birnir og Gunnar Sigvaldi, einhverjum datt þá í hug að sniðugt væri að kalla okkur Gú Binna og Gú Silla og hélst sú nafngift allt allt allt of lengi.

"My first taste of fame" kom strax á unga aldri. Tekin var mynd af mér og henni dreift á alla leikskóla á höfuðborgarsvæðinu til að auglýsa dagvist barna eða e-ð. Á þessari mynd skarta ég þessu líka fína tagli (80´s) og er að mála með vinstri hendinni. Eftir þessa auglýsingaherferð fannst mér ég hafa toppað og hef því látið módelbransann eiga sig síðan þá. Það voru gerð samskonar plaggöt með einum eða tveimur öðrum krökkum og ég held að annað þeirra gæti hugsanlega lesið þetta blogg (þó ekki alveg viss).

Þegar ég var fimm ára plataði ég einhvern leikskólafélaga minn til að strjúka með mér af leikskólanum. Förinni var heitið heim til mín, a.m.k. kílómetra frá leikskólanum!! Þegar þangað kom kommst ég að því mér til mikilla vonbrigða að enginn var heima, hélt að mamma væri bara að chilla heima á daginn. Til að toppa þessa fýluferð komst ég að því þegar við komum aftur á leikskólann að einhver hafði átt afmæli og ég fékk enga köku því ég var svo óþekkur.

Þegar ég var lítill var ég alltaf burstaklipptur, þetta er eftir að taglið var látið fjúka (90´s). Mér líkaði þó aldrei vel við klippinguna en þar sem ég hélt að burstaklipping þýddi að hárin væru burstuð af hálsi og öxlum eftir klippinguna lét ég það vera. Það var ekki fyrr en ég bað um að fá burstaklippingu nema með hárið síðara sem merking orðsins var útskýrð fyrir mér. Ég hef því þurft að nota undanfarin ár í að ná upp meðallengd hárs míns.

Fyrir ca. 2 árum vatt Friðrik Þór Friðriksson sér upp að mér. Þetta kvöld var ég aldrei þessu vant bara nokkuð góður á því, það sama verður ekki sagt um Friðrik. Hann heilsaði mér og spurði mig hvað ég væri að gera þessa dagana. Þegar ég sagði honum að ég væri nú bara að læra verkfræði tilkynnti hann mér að það væri tóm vitleysa, ég ætti heima í kvikmyndum. Ég var náttúrulega svolítið upp með mér og spurði hann hvort hann gæti þá ekki hjálpað mér eitthvað í þeim efnum. Hann varð þá mjög skrítinn á svipinn, leit á úrið sitt og sagðist þurfa á þjóta. Ég hef ekki séð hann síðan og var þetta því upphafið og endirinn á kvikmyndaferli mínum.

Að lokum væri gaman að klukka Jón Fatla og Krónprinsinn, hann Valíant okkar.

Kærlig hilsen
Gunni

Klukkið hans Sigurðar, S.afa, Geddusnyrtis, Sigga gítars, Kalkúns o.m.fl

2005-10-11T01:36:00.000Z

1. Ég safnaði eggjum á mínum yngri árum og á stórt eggjasafn heima. Hef nú ekki bætt neinu í safnið síðustu 7-8 árin en það býður betri tíma að halda áfram með þetta og ná markmiðinu sem er að eiga egg frá öllum íslensku fuglunum.
2. Ég er með boltafælni á háu stigi. Hef aldrei nennt að spila neinar íþróttir þar sem boltar koma við sögu. Ég gerði eitt sinn heiðarlega tilraun til að fá einhvern áhuga á þessu og fór að spila fótbolta. Þetta varð ekki langur ferill og fara engar frægðarsögur af honum. Ég reyndi svo aftur þegar ég fluttu í bæinn en þá í handbolta sá ferill varð enn þá styttri. Hef ég haldið mig frá tuðru íþróttum síðan
3. Ég er veiðisjúkur, ég er svo veiðisjúkur að ég myndi missa af mínu eigin brúðkaupi ef það væri von á góðu morgunflugi einhversstaðar. Mér finnst að það eigi allir að vorkenna mér því nú er rjúpan að byrja og ég missi af öllu gamaninu.
4. Ég hef nú aldrei fengið ber upp í eyrun en ég tók einu sinni chilli pipar í nefið, af hverju verðu ekki útskýrt hér. Mæli ekki með því nema þið hafið gaman af því að hnerra ég hætti nefnilega ekki að hnerra fyrr en hvert einasta snifsi var komið út og það tók dágóða stund.
5. Ég þoli ekki ameríska yfirborðs kurteisi. Af hverju þarf einhver maður sem ég hef aldrei séð og mun aldrei sjá aftur að spyrja mig hvernig ég hafi það þegar ég tek sömu lyftu og hann. Getur einhver sagt mér það.

Ég klukka Gunna B, og Ásdísi

Klukkið hennar Örnu

2005-10-10T23:57:00.000Z

Hérna koma fimm staðreyndir um mig.

1. Ég hef alltaf verið mjög nákvæm og akkúrat. Þegar ég var lítil gerði ég mömmu stundum alveg gráhærða þegar við vorum á leiðinni eitthvað út. Ég þurfti sko ALLTAF að hafa sokkana mína alveg hnífjafna. Þannig að ég settist á gólfið og togaði þá eins langt upp á sköflunginn eins og ég gat. Stóð svo upp og mældi. Ef þeir voru ekki jafnir þá settist ég aftur og reyndi aftur. Þetta gat sko alveg tekið dágóðan tíma því eins og ég segi þá fór ég ekki út fyrr en sokkarnir voru HNÍFJAFNIR.
2. Mér fannst ekkert gaman að fara í leikskólann þegar ég var lítil. Mér fannst miklu skemmtilegra að fara bara í pössun til ömmu og leika mér þar í barbí. Það var nefnilega ekkert til eins flott og mikið barbídót á leikskólanum eins og ég átti. Þannig að ég tók upp á því að æla á morgnana áður en ég átti að fara í leikskólann til að þykjast vera veik og þá fór mamma með mig til ömmu.
3. Ég er með kaupæði. Ef mig vantar ekki eitthvað nauðsynlega þá finn ég mér eitthvað sem mig vantar. T.d. ef ég ákveð að mig vanti buxur sem gerist MJÖG oft þá er farið í bæinn og leitað. Oftar en ekki þá finn ég ekki akkúrat það sem ég er að leita að svo ég finn mér bara eitthvað annað eins og skó. Ég sé einhverja geðveika skó sem mig langar alveg ógeðslega mikið í en ákveð að mig vanti ekki því ég var upphaflega að leita mér að buxum. Leitin að buxunum heldur áfram og að lokum finn ég einhverjar buxur til að kaupa. Ég get samt ekki hætt að hugsa um skóna og sef varla því mig langar svo mikið í þá. Hugsa um þá í svona viku þangað til ég er búin að sannfæra sjálfan mig um það að mig virkilega vanti skó (og þá er ég búin að gleyma hversu mikið buxurnar kostuðu) þannig að ég fer og kaupi skóna. Hrikalega sátt.
4. Ég truflaðist úr hræðslu í hvert skipti sem myndbandið Thriller með Michael Jackson var sýnt í sjónvarpinu fyrir svona 15 árum síðan. Ég gat aldrei horft á það. Mér fannst svoooo ógeðslegt þegar hann breyttist allt í einu í úlf. Þegar hann varð loðinn og eyrun stækkuðu....oj ég fæ alveg hroll
5. Ég þoli engin ljós þegar ég er að fara að sofa. T.d. ef ég var að horfa á sjónvarpið upp í rúmi og það er ekki búið að slökkva alveg á því heldur bara með fjarstýringu þá logar smá ljós á því. Þetta þoli ég ekki og get ekki sofnað fyrr en það er búið að slökkva það. Samt get ég sofnað fyrir framan sjónvarpið.

Þá ætla ég að klukka Tryggvana tvo.

kv. Arna

Bandý

2005-10-10T21:22:00.000Z

function BandyKlukk(Bandy, Klukk)

if (Bandy == 1) && (Klukk == 0)
fprintf(bandy.txt);
else
fprintf(klukk.txt);
end

>>BandyKlukk(1,0)
Það væri fínt ef fleiri gætu séð sér fært að mæta í Bandý á þriðjudagskvöldum. Sjáumst hress í Fífunni annað kvöld kl. 22:00.

>>BandyKlukk(0,1)
Klukk er kúl.

Takkogbæ,
BB

Fimman

2005-10-10T13:22:00.000Z

Jæja, þá get ég loksins bloggað. Þetta er búið að vera mikið vesen en Bretarnir eru með XC230 kerfið svo að ég þurfti að tengja framhjá til að komast inn á XP220 kerfið sem við erum með heima. Vonandi að eftirlitið fyrirgefi manni. Hér koma 5 gullmolar um mig.

Í fjölskyldunni minni er ég alltaf kallaður Jonni.

Þegar ég var 6 ára æfði ég samkvæmisdans. Ég var orðinn virkilega fær í cha cha cha og fugladansinum en þá tók fótboltinn yfir líf mitt. Á þessu danstímabili var ég alltaf klæddur í rúllukragabol og með greitt til hliðar

Ég hef tvisvar verið látinn bíta í sápu. Þegar ég var yngri fannst foreldrum mínum orðbragð mitt ekki sæma fjölskyldunni og brugðu því á það ráð að neyða mig til að jampla á sápustykki. Tunguþvotturinn tókst ekki alveg í fyrra skiptið en ég snarhætti að blóta eftir það síðara.

Þegar ég var í Grandaskóla kom það fyrir að móðir mín þurfti að sitja með mér í tímum. Hún fékk þá stól aftast í kennslustofunni og var svo með mér í frímínútum. Þetta var gert til að koma í veg fyrir slæma hegðun mína en eins og oft áður þá lærði ég ekki af reynslunni og þurfti mamma að koma nokkrum sinnum í skólann með mér.

Ég hef spjallað við Gittu Haukdal. Man reyndar ekki alveg um hvað en Coolio hlýtur að muna það.

Ég er svo að hugsa um að klukka íslenska víkinginn Sven og Dabba Örn.

Friðarkveðjur
Sigurjón

Fimm um Inga

2005-10-06T15:54:00.000Z

Mér skilst að ég hafi verið klukkaður af davido, svo hér koma fáeinar tilgangslausar staðreyndir um mig.

1. Mömmu minni þykir voðalega gaman að halda upp á allskonar dót um börnin sín og á þessvegna á vísum stað upplýsingar um hæð og þyngd barnanna sinna frá fæðingu (held ég). Einhvern tíma fyrir all mörgum árum (8-10 árum) var ég að skoða þetta og ákvað að plotta upp hæð okkar systkinanna sem fall af aldri (skrítið að ég hafi endað í verkfræði) og komst þá að þeirri skemmtilegu staðreynd að ég hef aldrei tekið neinn vaxtarkipp heldur bara alltaf vaxið (ó)eðlilega hratt jafn og þétt. Ég kunni reyndar ekki þá að reikna út hallatölu en það hefði verið mjög gaman:)

2. Ég á besta borðið á bókasafninu á VRII skólaárið 2005-2006

3. Ég er ömurlegur í öllum íþróttum sem leikið er með kúlulaga hluti, en ég á 110 kg á power clean-i og það eru aðeins 5 Íslendingar sem hafa hlaupið hraðar 110 metra grindahlaup en ég til að bæta það upp.

4. Þegar ég er að keyra hlusta ég nánast alltaf á Rás 1 og geri aðrir betur.

5. Mér finnst tómmatar ógeðislegir og ég get næstum ælt þegar ég borða þá.

Klukka hér með Dabba Tryggva og Huldu.

mbk. IS:Þ

Úpps...

2005-10-06T11:10:00.000Z

Gleymdi að ég ætla að klukka Einar Eiðs og Hrafn

hilsen, Sif

Klukkið hennar Sifjar

2005-10-06T10:53:00.000Z

1. Ég er ótrúlega óskipulögð og fljótfær.

2. Ég gæti aldrei í lífinu haldið á hamstri, ketti, kanínu o.s.frv. Mér finst líka sérstaklega ógeðslegt þegar kettir strjúka sér upp við mann.

3. Ég borða ekki hafragraut og soðnar rúsínur.

4. Ég dýrka sterka brjóstsykra með pipardóti inn í.

5. Ég hlusta á allt frá Halla Reynis upp í Franz Ferdinand.

Klukkið hans Davíðs Þórs Magnússonar

2005-10-05T17:43:00.000Z

1. Ég hef pissað yfir yngri bróðir minn þveran og endilangan án þess að hann gerði nokkuð í því! Reyndar vorum við báðir sofandi þegar þetta gerðist. Mamma koma aðeins of seint inn í herbergi því ég var nýbúinn að klára, átti bara eftir að hrista. Það var ekki góð lykt í herberginu daginn eftir...

2. Ég fæ stundum súkkulaðikast! Það lýsir sér í því að ég treð í mig súkkulaði þar til mér verður bumbult... þá fæ ég mér vatn að drekka og held svo áfram að troða í mig. Þetta ferli endurtekur sig yfirleitt þar til allt sem inniheldur kakó á heimilinu er uppurið.

3. Ég er ábyrgur ökumaður og hef aldrei lent í óhappi... nema einu sinni. Þá keyrði ég utan í glænýjan 5 milljón króna bílinn hjá tengdó. Mjög óheppilegt.

4. Ég þoli ekki hiksta. Sérstaklega þar sem hann er algerlega tilgangslaus. Hiksti er jafn ömurlegur og hnerri er góður.

5. Á mínum yngri árum rak ég túttubyssuverksmiðju. Ég var svo heppinn að pabbi var rafvirki (nóg til af rörum og teipi) og mamma var verkstjóri í fiskvinnslu (nóg til af gúmmíhönskum). Stoltastur var ég af tvíhleypunni minni sem hitti alltaf í mark. Framleiðslunni lauk skyndilega þegar ég var næstum búinn að blinda lítinn strák. Hann hélt nú auganu en ég missti verksmiðjuna... helvítis krakkarassgat!

Ég klukka Inga Sturlu og Sigga pabba^2

Sjonni!

2005-10-05T12:43:00.000Z

Hvernig var það, var ekki búið að klukka þig?

Kveðja,
Eftirlitið

Klukkið hans Þorsteins

2005-10-04T20:06:00.000Z

1. Helsta átrúnaðargoð mitt var alltaf Magnús Scheving og er það ábyggilega eini maðurinn sem ég á eiginhandaráritun með, ég stefndi alltaf á að vera eins og hann og hefur það ekki alveg gengið eftir eins og sést.

2. Þegar ég var yngri þá safnaði ég skordýrum með Grétari úr Hlíðunum sem örugglega nokkur af ykkur kannast við. Við urðum hins vegar fljótt leiðir á að safna og fórum því að setja skordýr í umslög og inn um bréfalúguna hjá fólki, við settum líka skordýr í þvottinn hjá fólki og ég er ekki frá því að nokkur íslandsmet í 100m hafi verið sett í þessum aldursflokki þetta árið.

3. Ég hef einu sinni sett í þvottavél í lífinu og verð ábyggilega ekki settur í það í bráðinni hér heima.

4. Ég og bróðir minn vorum miklir grallarar þegar við vorum yngri, við fengum eitt sinn að fara einir út með golfkylfu þegar við vorum í sumarbústaðaferð með fjölskyldunni, það reyndist ekki mjög góð hugmynd. Við byrjuðum reyndar á að fara í berjamó þar sem eyrun á mér voru troðin út af berjum og síðan fórum við í golf þar sem ég fékk golfkylfuna í hausinn í fyrsta höggi, sem var reyndar ágætt því mér var orðið ansi illt í eyrunum. Ég mæli ekki með berjum upp í eyru ég held að það sé betra að fá gofkylfu í hausinn svo ef þið þurfið að velja takið þá golfkylfuna.

5. Ég þoli ekki þegar ég er í klippingu og sá sem klippir mig fer að brydda upp á einhverjum samræðum bara til að segja eitthvað, fór t.d. til sömu hárgreiðsludömunnar 3 í röð áður en ég gafst upp á að heyra um að sonur hennar hefði tekið þátt í idol og heyra hana lýsa einhverri eðlisfræðitilraun sem hún tók í grunnskóla sem hún hélt að ég hefði áhuga á því ég var í verkfræði.

Ég klukka að sjálfsögðu Jón Atla og Sigga sambucca(aka kalkúnninn, aka geddusnyrtirinn, aka siggi gítar, aka s.afi)

Klukkið hans Bergs

2005-10-03T22:22:00.000Z

1. Ég er með bíladellu á nokkuð háu stigi, en ek samt ennþá um á fyrsta og eina bílnum sem ég hef átt, ef bíl skyldi kalla. Hef reyndar átt tvo vélsleða.

2. Á Íslandsmeistaramótinu í fótbolta í 5. flokki (11-12 ára) á Laugavatni var keppt í knattleikni. Ég lenti í öðru sæti af nokkur hundruð gaurum. Ég æfði mark en var, þó ég segi sjálfur frá, ansi teknískur, gat t.d. haldið á lofti 250 sinnum og skallað 30 sinnum. Þetta sama sumar var ég valinn efnilegastur í 5. flokki karla hjá KA. Að sjálfsögðu tók ég þá lógísku ákvörðun að hætta á toppnum og hef ekki mætt á æfingu eftir þetta glæsta sumar. Glöggir hafa eflaust tekið eftir því að það er ansi djúpt á þessari knattleikni í dag.

3. Ég nota skó númer 41.

4. Í fyrsta skipti sem ég fór í bíó sá ég Kærleiksbirnina. Það er stutt síðan ég hætti að fá martraðir eftir þessa hræðilegu lífsreynslu, vondi karlinn var scary kvikindi!

5. Ég veit um fátt betra en að sofa og á það til að sofna á ólíklegustu stöðum. Ég snúsa alltaf a.m.k. 3svar sinnum áður en ég fer á fætur og sofna yfirleitt á milli snúsa. Ég á mjög auðvelt með að sofa í flugvélum og bílum ef ég er ekki að keyra. Ég hef reyndar einu sinni dottað á vélsleða í kolsvarta myrkri og brjáluðu veðri uppi á Vatnajökli eftir 5 daga langan túr og mikinn akstur. Ég sofnaði í bíó á Star Wars: Episode III í sjúklega flottu bíói á Times Square. Hrökk síðan upp í miðju hasaratriði við það að Star Wars fanið Arnar Hjartarson gaf mér olnbogaskot í síðuna.

Ég klukka Davíð Þór Magnússon og Örnu Lind. Að lokum vil ég minna á Bandýið annað kvöld og legg til að Bandý verði hér eftir alltaf skrifað með stóru Béi.

Klukkið hennar Þórhildur

2005-10-03T18:26:00.000Z

1. Ég mátti ekki fá barbídúkkur þegar ég var lítil, mamma mín var á móti þeim, fyrstu barbídúkkuna fékk ég í sex ára afmælisgjöf. Þá var mamma búin að gefast upp, svo í framhaldinu eignaðist ég tvo Ken og tvö barbíbörn svo þetta var frekar afbrigðileg barbífjölskylda.

2. Ég horfi lítið á sjónvarp, sérstaklega á svona seríur. Ég hef ekki séð nema kannski svona 10 þætti af sex and the city og örlítið fleiri af friends. Ég veit að sumum finnst það jaðra við glæp!!

3. Ég átti heima í danmörku þegar ég var lítil og það eina sem ég man eftir því er þegar köttur kom inn til okkar og fór upp í rúmið mitt. Ég varð ótrúlega hrædd, mér hefur síðan aldrei líkað sérlega vel við ketti eða bara hvaða gæludýr sem er, reyndar fyrir utan kanínuna sem við eigum núna.

4. Ég hef úrið á hægri hendi, veit ekki af hverju. Ætli ég hafi ekki bara sett fyrsta úrið mitt á hægri hendi og það hafi verið þar síðan.

5. Ég elska að skó og töskur. Þó sérstaklega skó og á ég þó nokkur pör. Ég kaupi samt ekkert rosalega oft skó en ég á þá yfirleitt mjög lengi.

Ég klukka Þorstein og Adda Inga

Kv Þórhildur

2005-10-03T16:16:00.000Z

Klukkið hennar Möggu

1. Á hinu mikla NBA körfuboltaskeiði (1993) tók Magga litla auðvitað þátt í körfubolta á hverju kvöldi með krökkunum í hverfinu. Hún varð fljótlega þekkt sem Rodmann þar sem mikil harka og mikil þrjóska einkenndi leik hennar.

2. Magga var með þeim fyrstu sem fékk Nintendo leikjatölvu við mikla öfund vina hennar. Hún hefur klárað allar útgáfur af Super Mario Bros!

3. Daman er svo gleymin að mögulegt væri að hún gleymdi hvað hún héti ef það stæði ekki á skilríkjunum. Hún fékk það hlutverk í grunnskóla að vera kladdavörður þ.e. sjá til þess að kladdinn fylgdi bekknum í hin ýmsu fög í mismunandi stofum. Skemmst er frá því að segja að hún missti alltaf af fyrstu fimm mín. hvers tíma þar sem hún þurfti að hlaupa og ná í kladdann þar sem hann gleymdist.

4. Magga er líka mikill klaufi. Ekki líður sá dagur sem hún rekur sig ekki í dyrakarma, borð, hillur, bíla eða tekst að hrasa eða skráma sig á annan hátt. Af þessum sökum er hún alsett litlum örum og er ætið með slatta af skráum og marblettum.

5. Hún keypti sinn fyrsta bíl 3 mánuðum áður en hún fékk bílpróf en lét bara kallinn keyra.
Nú hefur hún átt samtals 3: Peugot, blár (árg. ´89), Clio, gulur (árg. ´01) og Focus, grænn (árg. ´03).

Síðan vil ég lýsa ánægju minni með þetta þar sem ýmis sérviska mín er greinilega ekki einstök, t.d. með stafsetningu og appelsínudjús :)

Ég klukka Ásdísi og Sif.

Klukkið hans Adda Hjartar

2005-10-01T19:53:00.000Z

Fimm tilgangslausar staðreyndir:

Ég þoli ekki appelsínudjús eins og hann kemur úr fernunni. Ég verð að þynna hann með vatni, annars finnst mér eins og ég sé að drekka sýru.
Ég fékk aldrei körfuboltaæðið þegar það gekk yfir ísland. Hinsvegar fékk ég nett Turtlesæði eftir að hafa séð turtles 1. Hápunkti æðisins var náð þegar ég sannfærði vini mína og aðra krakka í hverfinu um að stofna leynifélagið "Turtles".
Eina skiptið sem ég man eftir að hafa gert mikla uppreisn gegn foreldrum mínum var þegar ég ákvað 5-6 ára gamall að ég ætlaði að vera KR-ingur. Það stóð ekki yfir lengi sem betur fer... Áfram Valur!
Eitt helsta markmið mitt í lífinu er að geta hreyft eyrun. Ef ég sést einhverntíman stara út í loftið, að því er virðist í djúpri hugsun, þá er ég bókað að reyna að hreyfa eyrun... Það hefur ekki gengið ennþá.
Þegar ég var lítill safnaði ég allskonar málmdrasli sem varð á vegi mínum. Vasarnir á úlpunni minni voru alltaf fullir af skrúfum,nöglum, skinnum osfrv. Planið var alltaf að byggja einhverskonar ofurvél þegar ég hafði nóg af dóti og í herberginu mínu átti ég kassa fulla af ýmiskonar "íhlutum" í vélina... Mér hefur verið lýst sem óvenju skítugu barni á þessum tíma.

Ég klukka Begga, eða B.B. King eins og hann vill láta kalla sig þessa dagana og Þórhildi.

Klukkið hennar Hiddu

2005-09-30T13:51:00.000Z

Hér eru tilgangslausu staðreyndirnar mínar:

Ég er í blóðflokki A+ og hef gefið blóð tvisvar.
Ég átti að heita Hildigunnur Halldóra Anna en þegar mamma og pabbi mættu með mig til skírnar þá fannst prestinum þetta alltof langt nafn og neitaði að skíra mig Anna. Þar af leiðandi heiti ég bara Hildigunnur Halldóra Hallgrímsdóttir Thorsteinsson.
Þegar ég var lítil ætlaði ég að vera bóndi í Noregi eða Svíþjóð og rækta hunda, hesta, ketti og ávexti. Ég held að það verði ekkert úr þessum draumi mínum. Ekki nóg með að ég viti ekkert um svona ræktun þá er Óli Steinn með ofnæmi fyrir hundum, hestum og köttum þannig að þetta er eiginlega lost case.
Ég lærði einu sinni á harmonikku. Þegar ég var ca 11 og bjó í LA þá kom auglýsing heim sem auglýsti kennslu á "Keyboard". Ég skráði mig á námskeiðið og bjóst við að fá kennslu á hljómborð en neeeiii. Þegar ég og mamma mættum í fyrsta tímann - sem by the way var lengst inn í Hispanic innflytjanda hverfi í LA - þá kom í ljós að um var að ræða harmonikkukennslu. Námið varði þó ekki lengi því ég fékk að hætta eftir nokkra tíma.
Oftast þegar ég er úti á gangi - sem er frekar oft því við eigum engan bíl - þá er ég í leiknum "Má ekki koma við strik". Ég er samt mjög góð í að fela það þegar ég er í leiknum þannig að ég efast um að aðrir vegfarendur taki eftir þessum einkennilega vana mínum.

Ég klukka Adda Hjartars og Möggu

Klukk

2005-09-28T22:18:00.000Z

Svo þessi síða breytist ekki bara í upplýsingasíðu fyrir bandý crewið, þó svo það sé ekki slæmt, þá datt mér í hug að koma af stað hér því sem fer eins og stormsveipur um bloggheima, nefnilega hið svokallaða klukk. Þetta apparat virkar víst þannig að fólk sem er klukkað segir frá 5 tilgangslausum staðreyndum um sjálfan sig og svo klukkar aðra. Þar sem það er alltaf gaman að kynnast náunganum betur, auk þess sem þetta ætti að tryggja að fólk bloggaði reglulegar hér hef ég ákveðið með að ríða á vaðið með klukkið og svo klukka ég tvo aðra í lokin. Þannig að við skulum bara hafa þetta þannig að fólk skrifi um sig og svo klukki tvo aðra, ok?
Tilgangslausar staðreyndir um mig:
1. Ég fæ næstum því verki í líkamann þegar ég sé stafsetningarvillur. Þessu vil ég kenna um uppeldi mínu og gríðarlegri áherslu MR á stafsetningu.
2. Þegar ég fæ mér lakkrískonfekt eða winegums finnst mér fátt betra en mjólk með. Lakkrískonfektið borða ég þannig að ég fæ mér einn eða tvo lakkrísgaura og svo einn marsípan gaur með því og mjólk. Winegums borða ég þannig að ég borða alla litina nema appelsínugulan því hann er ógeðslegur, svo fæ ég mér mjólk líka með því.
3. Ég á mjög auðvelt með að skammast min fyrir aðra og sérstaklega var ég slæmur þegar ég var krakki og sá aðra krakka í sjónvarpi að gera eitthvað, ég skammaðist mín fyrir þau og gat ekki horft á þau.
4. Þegar ég var lítill ætlaði ég að verða forseti. Seinna meir breytti ég því í það að ég ætlaði að verða sendiherra, góð laun og endalausar veislur, hljómar ekki illa í mínum eyrum.
5. Áður en ég flutti hingað út til Lyngby hafði ég aldrei sett í þvottavél sjálfur og þvegið af mér.

Nú klukka ég Hiddu og ætla að reyna að ná Sigurjóni a.k.a. Sugar Jose líka.

kveðja,
Óttar

Æfing í kvöld

2005-09-27T15:08:00.000Z

Sælar!

Bara að minna á æfinguna í kvöld kl. 22:00. Farið verður yfir leiki sunnudagsins og skoðað hvað betur mætti fara, menn dregnir til ábyrgðar og viðeigandi refsingar ákveðnar. Nú vil ég sjá menn taka almennilega á því á æfingum og sumir mættu jafnvel fara að huga að útihlaupum, nefni engin nöfn.

Kv,
BB

Bandýpistill

2005-09-25T23:20:00.000Z

Jæja, þá er fyrsta Íslandsmeistaramótinu í bandý lokið og er skemmst frá því að segja að FÍBL reið ekki feitum hesti frá því. Þetta byrjaði ekki gæfulega því einungis fimm FÍBL voru mætt þegar 20 mínútur voru í fyrsta leik en lágmarksfjöldi var 8 og eru 6 inni á vellinum í einu. Nú voru góð ráð dýr. Hringd voru nokkur símtöl og fyrr en varði streymdu fornar bandýhetjur að og linnti ekki látunum fyrr en FÍBL-in voru orðin tólf sem átti eftir að koma sér vel því menn entust vart lengur en þrjár mínútur í einu. Leiknir voru tveir fjögurra liða riðlar og komust tvö efstu liðin úr hvorum riðli í undanúrslit.

Fyrsti leikur FÍBL var gegn Babylon og var sá leikur æsispennandi en náðu FÍBL-in þó ekki að sýna sitt rétta andlit. FÍBL-in létu þó finna vel fyrir sér, voru reyndar tekin á eintal af formanni bandýnefndar ÍSÍ eftir leikinn og vinsamlegast beðin um að leika af minni hörku. Leikurinn endaði 1-0 fyrir Babylon sem skoruðu sigurmarkið þegar skitnar 40 sek voru eftir af leiknum.

Annar leikurinn var gegn Viktor. Þar náðu FÍBL-in ágætis spili á köflum en voru óheppin að skora ekki. FÍBL-in voru hálf sofandi í vörninni og fengu á sig ódýr mörk. Lokatölur 5-0 fyrir Viktor.

Þriðji og síðasti leikurinn var á móti Bændaskólanum á Hvanneyri. Bændurnir sem voru með gríðarlega sterkt lið áttu ekki roð í FÍBL og voru leiknir sundur og saman, út og suður og norður og niður. Sóknarleikurinn var í hávegum hafður og gleymdu menn stundum að bakka í vörnina en það kom ekki að sök því Víkingur Nagli skellti í lás í markinu. Natural talent þar á ferð. Eitt glæsilegasta mark mótsins var einmitt í þessum leik og var það sýnt í Helgarsportinu í kvöld. Þátturinn verður endursýndur á morgun kl. 15:55. Lokatölur 9-0 fyrir FÍBL.

Babylon vann riðilinn, Viktor endaði í öðru sæti, FÍBL í þriðja og Hvanneyri í fjórða og neðsta sæti. Babylon og Viktor komust því í undanúrslit. Fregnir herma að þau hafi bæði unnið sína leiki þar og því mæst aftur í úrslitaleiknum sem Viktor vann 1-0.

Nú þurfum við bara að vera dugleg að mæta á æfingar og þá ættum við að geta unnið hvaða lið sem er á næsta móti.

Takk fyrir gott mót og lengi lifi Bandý-Bjössi,

Captain B.B. King

Íslandsmeistaramót

2005-09-21T18:31:00.000Z

Sælar!

Um næstu helgi gefst einstakt tækifæri til að næla sér í Íslandsmeistaratitil. Íslandsmeistaramót í bandý verður haldið sunnudaginn 25. september í Fífunni. Áhugsamir hafi samband við bandýkempuna Arnar Inga ekki seinna en í gær því skráningarfrestur rann víst út síðastliðinn sunnudag. Koma svo, það er núna eða aldrei!

Kveðja,
BB

Bandý!

2005-09-19T22:13:00.000Z

Sælar

Þá er loksins komið að því. Bandý í Fífunni annað kvöld, 20/9, kl. 22:00. Allir að mæta.

Kveðja,

BB

2005-09-19T14:21:00.000Z

Sælt veri fólkið,
vildi bara afboða mig í bandý þar sem mér var að berast SMS með saumóskilaboðum. Þannig er að hann er líka annað kvöld svo ég mæti ekki í bandýið. Ég er farin að halda að mér sé engan veginn ætlað að mæta í þetta blessaða bandý þar sem þetta hittir alltaf illa á hjá mér.
Annars bara góða skemmtun annað kvöld og kveðja til allra "útlendinganna" sem eru að skrifa á síðunna.

kveðja,
Magga

London baby yeah!

2005-09-16T17:21:00.000Z

Jaeja mer datt i hug ad fleygja inn einu bloggi hedan fra Lundunum thar sem eg og Sjonni erum a netkaffihusi inni i einhverju molli i hverfi sem heitir Bayswater. Eg er buinn ad vera herna i 3 daga nuna og var ad taka GRE og Toefl profin. Svo a morgun forum vid ad horfa a Charlton Chelsea og svo flyg eg heim a sunnudagskveldinu til Koben.
Sjonni er ordinn ollum hnutum kunnugur herna i London og er eg ekki fra thvi ad hann gaeti sott um starf sem guide herna naesta sumar.

München

2005-09-14T19:32:00.000Z

Sælar!!
Annað kvöld fer ég til München og verð þar ótímabundið.
Meistaranámið er minnst 2 ár og já, allt á þýsku.
Skólinn heitir TUM (Technische Universität München), og hann byrjar svo 17. október og er búinn í byrjun ágúst á sumrin.
Af hverju fer ég strax út? Þarf að taka þýskupróf í næstu viku til að sýna mátt minn og megin í málinu (?), auk þess byrjar Oktoberfest á föstudaginn.
Annars mun ég leigja íbúð inni í München, með Boris Becker, sem biður natürlich að heilsa...

Auf Wiedersehen,
Dabbi

ps.
Verð með smá vefsíðu með helstu fréttum úr Bæjaralandi, tengill á spássíunni..

Fréttir frá Íslandi

2005-09-13T19:00:00.000Z

Hæ hæ,

Ég var að klára bloggrúntinn á bloggum bekkjarmeðlima í útlöndum og ákvað að segja smá fréttir frá Íslandi.
Ég er bara á fullu í vinnunni og svoldið skrítið að þurfa ekkert að spá í skóladóti né heimadæmum þó það sé komið fram í September. Mér líkar ennþá mjög vel hjá Enex og það er brjálað að gera. Ég er mikið að vinna í Ameríkuverkefnunum og ef einhver þarf upplýsingar um raforkukerfið í Kaliforníu þá get ég örugglega svarað flestum spurningum um það...
Palli Vald er mættur til vinnu á skrifstofuna þannig að nú er friðurinn víst úti eins og hann segir sjálfur. Skrifstofan er strax farin að fá svona "Palla Vald lykt". Þessi sem var alltaf á skrifstofunni hans uppi í háskóla - svona einhvern veginn vindlalykt. Æi, þið fattið örugglega hvað ég á við.
Fyrir utan vinnu er frá því að segja að ég er nýkomin frá Akureyri þar sem Óli var að taka við hlutverki í leikriti. Við skruppum sem sagt í helgarferð til Akureyrar af því tilefni og ég sá hann sýna á laugardagskvöldið og síðan djömmuðum við, fórum í sund og heimsóttum ættingja. Afskaplega vel heppnuð ferð. Síðan ákvað ég að koma mér í form og er byrjuð í jóga tvisvar í viku þannig að bráðum verð ég örugglega alveg rosalega fim og liðug. Þolið verður síðan þjálfað í bandýinu sem byrjar aftur 20. sept. Gaman gaman.

Sæl að sinni,
Hidda

Sweet sweet Sweden

2005-09-12T11:41:00.000Z

Hæ þið öll

Nú er ég búinn að búa hérna í Volvolandi í c.a. tvær vikur og hef það bara alveg fjandi gott. Ég setti upp nokkrar myndir (með kommentum) af því sem ber fyrir augu á leið minni í skólann og aðstöðunni hérna í skólanum af því að nokkrir vildu fá smá info um þetta. Slóðin er http://www.hi.is/~einareid/kth. Veðrið hérna hefur verið alveg frábært, þetta er eins og að fá bara annað sumar takk fyrir. Ég er annars búinn að vera að vesenast mikið hérna við að koma mér fyrir, sækja um kennitölu, fara í risalega risalegt Ikea og kaupa ruslapoka af dóti fyrir 3.000 kall og svona að kynnast umhverfinu hérna. Ég er með krökkum frá mörgum löndum hérna t.d. grikklandi, ítalíu, bangladesh, kína, svíþjóð, hong kong, noregi og einhverjum fleirum sjálfsagt. Er búinn að fara á nokkur svona skóladjömm, t.d. er alltaf kráarkvöld hérna á miðvikudögum (?!) þar sem að bjórinn kostar 150kall til klukkan tíu, þá kostar hann 200 kall :-) Síðan fór ég á laugardaginn í svona sumarbústað sem kth á hérna við sjóinn, þar var gufa og maður gat hoppað í gufuna og svo synt í sjónum, sem var reyndar skítkaldur eftir að dimmdi. Anyway þá er bara mjög gaman að vera hérna, endalaust eitthvað að gera og skoða plús að það léttir aðeins á mér hérna að annar af tveimur kúrsum sem ég er í núna er amk hingað til bara iðnaðartölfræði all over again, svo ég er meira að kenna hinum heldur en læra sjálfur :-)

Bless í bili
Einar Eiðs.

Greining 4

2005-09-05T13:15:00.000Z

Sæl øllsømul!
Thessi færsla verdur mjøg dønsk thar sem ég ætla ad nota danskt ø i henni. Allaveganna tha er astæda thessara skrifa minna su ad eg er ad velta thvi fyrir mer ad taka greiningu 4 herna uti tho svo eg thurfi ekki ad taka hana. Tha er thad pælingin hja mer su ad hafa hana sem svona aukafag thad er ef eg fell tha skiptir thad ekki mali upp a thad ad eg nai ad utskrifast en ef eg næ tha er eg med thetta undir beltinu. Thannig ad eg væri til i ad heyra fra ykkur sem hafid tekid hana, teljid thid ad thetta se snidugt dæmi og eg eigi ad taka hana eda a eg bara ad vera kærulaus og taka bara thær einingar sem eg tharf? Nu vil eg ad thid kommentid sem aldrei fyrr og segid mer ykkar skodun a thessu og helst fyrir midvikudaginn :D.

Annars er nu bara allt gott ad fretta her ur danaveldi. Vedrid hefur leikid vid mann sidan madur kom herna og thad er buid ad vera mjøg gott vedur nanast sidan eg kom. Eg flutti svo inn a herbergid mitt a kollegiinu nuna i vikunni og er thetta bara mjøg gott mal. Er med frekar flottar græjur, heimabiomagnara, dvd spilara, 2 tussuhatalara og 21 tommu sony sjonvarp sem gaurinn var svo godur ad skilja eftir. Svo er allt ad gerast thvi Franz Ferdinand sem eg thvi midur missti af heima verdur herna uti 9 des sem er føstudagur og god byrjun a profum ad fara a tha en thad ætlum eg, Gunni, Tryggvi og Totla ad gera.

Ha´ det godt, hilsen
Ottar

Vinsamlegast breytið linknum!

2005-09-04T20:17:00.000Z

Ég er svo mikill tölvulúði að ég kann ekki að breyta linknum á heimasíðuna okkar. Málið er nefninlega það að það er ekki hægt að kommenta nema sleppa www fyrir framan. Þannig að linkur á síðuna okkar er: http://spaces.msn.com/members/arnaogsigurdur

kv. Arna

Undur og stórmerki;)

2005-09-04T11:42:00.000Z

hæhæ

Þar sem ég er að fara af landi brott hef ég ákveðið að stofna blogg. Já ég lofa EKKI að vera dugleg að blogga en vona að e-ir nenni samt stundum að koma og kíkja á þetta;)

Ég er líka komin með nýtt email asdis@umail.ucsb.edu

Kv. Ásdís

Blogg blogg blogg

2005-08-30T21:02:00.000Z

Sælt veri fólkið!!
Við erum komin með blogg setti tengil á það hér til hliðar ásamt því að breyta tenglinum á bloggið hja Sigga og Örnu.
Annars er allt gott að frétta af okkur skólinn byrjaður og við svona að mestu leiti búin að koma okkur fyrir í nýju íbúðinni okkar. Sem er bara mjög fín fyrir utan kannski að í annarlegu ástandi er erfitt að komast upp í rúm og þegar maður vaknar í spreng er erfitt að ná niður af þriðju hæð niður á fyrstu til að fara á klóið. Við höfum nú reyndar ekki lent í því hingað til að komast ekki upp í rúm eða á klósettið. Er að vinna í því að koma inn myndm af íbúðinni okkar svo þið getið öll skoðað hana, þið hafið auðvitað áhuga á því!!!
Læt hérna fylgja með upplýsingar um hvernig er hægt að ná í okkur ef þið skilduð þurfa þess.
Þórhildur Gsm; 50129952
Tryggvi Gsm; 22935399
Heimasími; 77425815
landsnúmerið er 45
Heimilisfangið okkar er svo
P.O.Pedersen kollegiet
Haraldslundvej 38, lejl. 215
2800 Kgs. Lyngby

e-mail: thorhildur.thorkelsdottir@gmail.com
tryggvij@gmail.com

Jæja núna ættuð þið örugglega að geta náð í okkur.

Kv Þórhildur

Bandý í vetur

2005-08-29T21:20:00.000Z

Sælar!

Við verðum með tíma í Fífunni á þriðjudagskvöldum kl. 22:00. Það er nægur tími til að koma sér í form fyrir fyrsta tíma því hann er ekki fyrr en 20. september út af sjávarútvegssýningunni. Til að sjá hve margir ætla að vera með væri fínt ef menn myndu skrá sig hér.

Kveðja,
Bandý-Beggi